❓ الأسئلة الشائعة – Aspades Shop

🔽 اضغط على أي سؤال لظهور الإجابة

🛒 للزبناء (Customers)

اضغط لمعرفة تفاصيل عرض الزبناء وأسئلتهم

عند شرائك من Aspades Shop، تستفيد من تجربة سهلة وشفافة، حيث تدفع فقط السعر المعروض دون أي رسوم إضافية. بعد تأكيد طلبك، يتكفل البائع بتأكيد الطلب والتواصل معك مباشرة لضمان توصيل منتجك في أفضل الظروف.

🎁 عرض خاص للزبناء

  • تجربة شراء شفافة وآمنة
  • تدفع فقط السعر المعروض على المنتج
  • بدون أي رسوم إضافية أو عمولات خفية
📌 أسئلة الزبناء الشائعة
1. كيف يمكنني الطلب من Aspades Shop؟
يمكنك اختيار المنتج، إدخال معلوماتك، ثم تأكيد الطلب. سنتكفل نحن بالتواصل مع البائع لتوصيل المنتج إليك.
2. هل المنتجات مضمونة؟
نحن نعمل مع بائعين موثوقين ونحرص على تقديم منتجات ذات جودة، لكن البائع هو المسؤول المباشر عن المنتج.
3. ما هي طرق الدفع المتوفرة؟
نوفر الدفع عند الاستلام، وقد تتوفر طرق أخرى حسب البائع.
4. كم تستغرق مدة التوصيل؟
مدة التوصيل تختلف حسب المدينة والبائع، وغالباً بين 24 و 72 ساعة.
5. هل يمكنني إرجاع المنتج؟
نعم، يمكن ذلك حسب شروط البائع. ننصح بالاطلاع على سياسة الإرجاع الخاصة بكل منتج.
6. من المسؤول عن التوصيل؟
البائع هو من يتكفل بإرسال المنتج، ونحن نتابع العملية لضمان تجربة جيدة.

🏪 للبائعين (Sellers)

اضغط لمعرفة تفاصيل عرض البائعين وأسئلتهم

يمكنك البيع على Aspades Shop بدون أي رسوم أو عمولات (0 درهم). عند توصلّك بطلب من زبون قام بالشراء عبر Aspades Shop، تكون مسؤولاً عن تأكيد الطلب والتواصل معه لإتمام عملية التوصيل بنجاح.

🎉 عرض خاص للبائعين

  • البيع على Aspades Shop بدون أي رسوم أو عمولات
  • 0 درهم – كل شيء مجاني تماماً
  • اعرض منتجاتك وابدأ البيع بلا أي مخاطرة
0 درهم
🚀 بدون عمولات – مجاني تماماً
لا رسوم خفية، لا عمولات، فقط نجاحك
📌 أسئلة البائعين الشائعة
كيفاش غادي نعرف بلي جاتني مبيعة؟
غادي توصلك إشعارات بثلاث طرق: فالإيميل، فالواتساب، أو من خلال لوحة التحكم Dashboard ديالك.
شنو غادي نلقى فالإيميل ملي تجيني مبيعة؟
غادي تلقى جميع معلومات الزبون والطلبية، بحال: الاسم، رقم الهاتف، العنوان، المنتوج المطلوب، الكمية.
واش كتوصلوني فالواتساب؟
نعم، غادي نرسلوا ليك إشعار فالواتساب باش تعرف بلي جاتك مبيعة وتبدا تخدم عليها بسرعة.
منين نقدر نتابع المبيعات ديالي؟
من لوحة التحكم Dashboard الخاصة بك، فين تقدر تشوف: الطلبات، المنتجات، الإحصائيات، الأرباح، حالة الطلبات.
شنو خاصني ندير ملي تجيني طلبية؟
ضروري تتواصل مع الزبون وتأكد الطلبية ديالو قبل التوصيل.
علاش تأكيد الطلبية مهم؟
باش تتأكد: الزبون مازال باغي الطلب، العنوان صحيح، رقم الهاتف صحيح، الطلبية مؤكدة. وهذا كيقلل المشاكل والإلغاءات.
شنو ندير من بعد ما نصيفط المنتج؟
من بعد التوصيل خاصك تدخل للوحة التحكم وتدير الطلبية: Complete، باش يبان عندنا بلي الطلبية سالات بنجاح.
واش ضروري ندير Complete؟
نعم ضروري بزاف ✅ حيت هادي كتأكد لينا بلي: وصلتي الطلب، ساليتي الخدمة، الطلبية ناجحة.
شنو كيوقع إلا نسيت ندير Complete؟
أول مرة أو جوج غادي نذكروك، ولكن إلا بقيتي كتنسى بزاف غادي تهبط الرتبة ديالك فالموقع.
واش كاين ترتيب للبائعين؟
نعم، النشاط والالتزام ديالك كيأثر على الرتبة والثقة ديال المتجر ديالك.
كيفاش نسجل كبائع؟
كتدخل للموقع، كتضغط Login أو Register، كتختار: I am a Vendor، وكتكمل المعلومات ديالك.
شنو ندير فـ Shop Name؟
كتكتب اسم المتجر ديالك اللي غادي يشوفوه الزبناء.
شنو هو URL؟
الرابط الخاص بالمتجر ديالك، كيتدار أوتوماتيكياً حسب اسم المتجر.
شنو ندير فـ Street Address؟
كتكتب العنوان ديالك أو عنوان المتجر ديالك.
واش رقم الهاتف ضروري؟
نعم، ويفضل يكون فيه واتساب باش نقدروا نتواصلوا معاك بسهولة.
واش خاصني نقرا الشروط؟
نعم ضروري، باش تعرف: شنو ليك، شنو عليك، قوانين البيع داخل الموقع.
كيفاش ندير الموط باس؟
غادي يوصلك رابط فالإيميل باش تختار كلمة السر ديالك.
شنو هو Store Dashboard؟
هادك هي لوحة التحكم ديالك، من خلالها كتسير المتجر كامل ديالك.
شنو خاصني ندير أول حاجة فالمتجر؟
خاصك تضيف: صورة Banner، صورة المتجر، معلومات المتجر. باش يبان بشكل احترافي ويتقبل.
شنو نكتب فـ Biography؟
كتب تعريف بسيط: شكون نتا، شنو كتبيع، شنو المميز عندك.
علاش المتجر ديالي باقي غير مفعل؟
خاصك تتواصل مع الإدارة، وغادي نسولك بعض الأسئلة باش نتأكدوا من المعلومات ديالك ومن جودة المتجر.
شنو نوع الأسئلة اللي كتسولو؟
مثلاً: فين لقيتي الموقع؟ شنو باغي تبيع؟ واش سبق ليك بعتي؟ واش عندك متجر آخر؟
واش توثيق الحساب ضروري؟
اختياري، ولكن كيمنحك مميزات إضافية.
شنو الفائدة من توثيق الحساب؟
الحساب الموثق: كيكون موثوق أكثر، عندو علامة زرقاء، يقدر يضيف منتجات أكثر.
شحال من منتج نقدر نضيف بلا توثيق؟
حتى جوج منتجات فقط.
وشحال نقدر نضيف من بعد التوثيق؟
حتى 10 منتجات أو أكثر حسب النشاط ديالك.
كيفاش نوثق الحساب؟
كتدخل: Settings → Verification، ومن بعد كتضيف: البطاقة الوطنية، وثيقة تأكيد العنوان.
واش نقدر نخبي صورة البطاقة؟
نعم، تقدر تخبي الصورة، المهم الاسم يكون واضح.
شحال كياخذ التوثيق؟
غالباً من ساعة حتى 24 ساعة، وأحياناً أكثر حسب المعلومات.
شنو كيوقع إلا ترفض التوثيق؟
غادي نتواصلوا معاك فالواتساب أو الإيميل ونقولوا ليك شنو ناقص.
شنو هو المنتج العادي Simple Product؟
منتج ماعندوش: قياسات مختلفة، ألوان مختلفة. بحال ساعة بلون واحد.
شنو هو Variable Product؟
منتج فيه: ألوان مختلفة، قياسات مختلفة، أو بجوج. بحال سبرديلة فيها 38 / 39 / 40 وألوان مختلفة.
شنو خاصني ندير فالمنتج؟
تضيف: الاسم، التصنيف، الصور، الثمن، الوصف القصير، الوصف الكامل.
علاش الوصف مهم؟
باش الزبون يفهم المنتج مزيان وتزيد فرص البيع.
واش نقدر نستعمل ChatGPT فالوصف؟
نعم، تقدر تعطيه اسم المنتج وغادي يساعدك يكتب وصف احترافي.
شحال كياخد قبول المنتج مكيبانش نهائيا؟
⏱️ المدة العادية لقبول المنتج: بين دقيقة و 24 ساعة (خلال أيام العمل).

❓ إذا كان المنتج مكيبانش نهائيا، هادو الأسباب المحتملة:

1️⃣ المنتج مازال فـ "Pending" (قيد المراجعة):
- إذا كثر من 48 ساعة، تواصل مع الإدارة.

2️⃣ المنتج تم رفضه:
- كتوصل رسالة فـ الواتساب أو الإيميل فيها سبب الرفض (صورة ناقصة، وصف ناقص، ثمن غير مناسب، معلومات ناقصة).
- إذا ماصلكش شي إشعار، تأكد من رقم الهاتف والإيميل فالإعدادات ديالك.

3️⃣ مشكلة تقنية:
- جرب تسجيل الخروج وتسيجل الدخول مرة أخرى.
- تحديث الصفحة (Ctrl + F5) أو جرب متصفح آخر.
- تأكد أن المنتج كيبان فـ "Products" فـ Dashboard ديالك.

4️⃣ العدد المسموح:
- إذا كان حسابك غير موثق، فالمسموح هو جوج منتجات فقط. الزيادة عليها لن تظهر.

📌 الحل المباشر: تواصل مع الإدارة عبر الواتساب وأرسل اسم المنتج أو صورة شاشة (Screenshot)، وغادي نعاونوك في أقرب وقت.
من بعد الموافقة فين كيبان المنتج؟
كيبان: فالمتجر ديالك، فصفحة Shop، وأحياناً فالصفحة الرئيسية.
واش Aspades Shop كياخذ عمولة؟
لا ❌ Aspades Shop مجاني بالكامل: بدون رسوم، بدون عمولات، بدون اقتطاعات.
واش كتعاونوني إلا واجهتني شي مشكلة؟
نعم ✅ إلا احتجتي أي مساعدة غادي نعاونوك خطوة بخطوة.
شنو الهدف ديال Aspades Shop؟
الهدف هو مساعدة البائعين يكبرو تجارتهم ويوصلو لزبناء جدد بسهولة وبدون مخاطرة.

🔒 الثقة والأمان

خصوصية، حماية، ودعم مستمر

🔐 هل بياناتي الشخصية آمنة؟
نعم، نحن نحترم خصوصيتك ونحمي بياناتك باستخدام أنظمة آمنة.
📞 هل يمكنني التواصل مع الدعم؟
بالتأكيد، فريق الدعم متوفر لمساعدتك في أي وقت.
🚀 لماذا أختار Aspades Shop؟
لأننا نوفر تجربة سهلة وآمنة، ونربط بين الزبناء والبائعين الموثوقين، مع دعم مستمر لضمان أفضل تجربة للجميع.
Aspades Shop – منصة تجمع بين الثقة والشفافية